شعرلغزة عالوضع الحلو اللي احنا عايشينو "يا شيخ نيلة تغتها من هيك عيشة"

غالي يا فلسطين غالي

غالي و ترابك غالي

غالي و مش مكفي مالي

مش قادر انا على غلاك

.*. .
بيقولو البنزين رح يولع

و جرة الغاز رح تفرقع

*.*

و البيض فقسّت اسعاره

حتى الجاجة حست بناره

*.*.*

و بيقولو الدهب غالي

طب مال الدهب و مالي؟

.**.

هو انا طايل صحن الرز؟

الله يرحم ايام العز

عاللحمة كنا نمز

و نحلّي وراها بمقالي

*.*.*

الخمسين ركبت جناحات

والعشرين بتفرطها خمسات

و العشرة بالجيبة ما بتبات

و الخمسةما بتشتري كت كات

يا زلمة قرفت حالي

*.*.*

جدي بقول بالزمنات

كنا نحلب هالعنزات

و ناكل من لبن البقرات .*. و نزرع شوية قمحات

و هادين البال نبات

ما يهمنا طول الليالي

*.*.*

شو تركنا لولادنا عيشة؟؟

اكلتولنا الجاجة و الريشة

ما ضل غير ندخن هيشة

والفيسروي سعره بالعلالي

*.*.*
يا قدس ما اغلاك

و يا محلا شمسك و سماك
كان غلاك بقلوبنا

و صار هلأ ع جيوبنا

بس بتضلك محبوبنا

و هواك ع قلبي غالي

ملاحظه
يا شباب محدش يتمصخر على ال قصيدة هادى

الى عندو كلمه خير يقولها هان

والى ماعندو يضلو ساكت بلاش اقلبها عليه رسمى

انا كتبتها ومش عارف كيف كتبتها

كتبتها من القرف
........................
لاعلاناتكم مع نكتة يرجى الصف عالدور

لانو علينا زحمة طلبيـات هاليومين ،،

او اتصلو على ست ستات ستتين ست بدون زوجها