شوفو شباب الجامعة شو بيعملو

مرحبا انا اليوم جايبلكم موضوع حلو كثير وفية نقاش على شباب الجامعة ما راح اطول عليكم وراح نبدا فى الموضوع
رح نعرفكم بالتغيرات الجذريه الي بتصير عند شبابنا الله يهديهم لما
يدخلو الكليه او الجامعة..
خلونا نبداا ..
1- بصير الشب على 40 قيراط .. كل شيء فيه بلمع .. وطبعا بصير يحط على راسه نص كيلو جل .. بمرق عنك زي كأنه قنينة عطر مكسوره جمبكـ
2- بصير كل اسبوع يحلق شعره ( الله يرحم ليلة العيد لما تكون عيدين ) .....
3- بيصير يرمي السيجاره وهي بنصها .. قال يعني ناس هاي كلاس ...
4- بتحول من قدرة قادر من قائد الثوره والوطنيه لـ ابو الفناء والرومانسيه والحزن ....
5- بيصير كلامه .. هاي ،، مرحبا ،، صباح الخير ،، مامي ،، بابي ،، أهوه ،، نس " بيدلع النسكافي اخينا ...
6- ما بصير ياكل الا شنتسل وهم برغر .. الله يرحم ايام الفلافل ....
7- بيصير يتحمم كل يوم .. ووين راح اليوم الي بصير في احتفال اضخم من احتفال يوم الاستقلال لما يتحمم ...
8- بتنقلب نكات نيمه بالمسنجر والشات واسم ايميله من .. مجرم حرب ، دمار شامل ، عوكل ، فهد فلسطين ، صقر الكتايب ، الى ملاك الحزن ،، اسير الحزن ,,نسيم الروح,,الجنتل,,,,,,,
9- طبعا قدام جمعة بنات لما تنجاب سيرة الامتحان .. بده يحلي اذا نجح .. " الاخ بصير يدرس بس عشان ينجح ويحلي " هااهاهاهاهاها ...
10- حلال مشاكل الشعبه ،.. بيصير القائد تبع الشعبه ،، بده يعلق دوام .. بده يحل مشكلة فلانه ومشكلة علنتانه ،، كله نخوة وجود ما شا الله...
11- طبعا ببطل يعرف الكولا والعصير .. بس قهوه ومي معدنيه ورد بوووول ...
12- ما بنقطع من جيبته الكلنكس " الفاين او ورق المحارم " الله يرحم شوالات الخييييش " شوالات الخيش نوع من انواع الشوالات تستخدم لتخزين العلف " هههههههههههههههه
13- طبعا ولاعة السجاير .. حديد نوع فاخر لا تقل عن 50 شيكل .. وين ايام الكحاته او الكبريته يا خال ..؟؟
14- بيتحمس وبيصير يناقش بالمحاضر ( قال يعني بفهم اكثر منه ) الله وكيلكم الي بشوفه بفكره افلاطون رجع من جديد هع هع هع .. الله يرحم ايام ما كان بالمدارس ينام بالصف من الساعه 8 للساعه 1 ...
15- وبعدين بدخل الجامعه وزنه 170 كيلو .. اعطيه 3 شهور بس ... بصير وزنه 80 ...
16- الاماكن .. هاي قصتها قصه .. الشب بفوت عهالكليه بحبلو بنت كييين صار يسمع اغنية الاماكن .، . ولك يا عديم الاحساس الاماكن محمد عبده بغني لبنت ماتت ... شو بتغني فيها وبتسمع فيها .. ارحم..
وطبعا بصير كثير شغلات بس هدول الي مفتكرهم اليوم .. قلة فرح خخخخخخخخخ
بدي كل واحد يسلخ رد جامد

هههههههههههههههههههههههههههههههه والله حلو كتير

وكلامك في منه بس مش عند الكل

وبالرغم من كلامك الشب بردو لازم يلبس ويرتب حاله بغض النظر عن البنات او غيره احسن ما يجي عالجامعة بمنظر مقرف ولابس شبشب هههههههههه